ဘယ်တော့မှ မကွဲတတ်တဲ့ ချစ်သူရည်းစားတွေမှာ ရှိတတ်တဲ့ အလေ့အကျင့်ကောင်းများ

ဘယ်သူမဆို ကိုယ့်ချစ်သူနဲ့ ကွဲချင်ကြမှာ မဟုတ်ပါဘူး။ သို့သော်လည်း တစ်ခါတလေ ကိုယ့်ဘက်က အတည်ပေမယ့် သူ့ဘက်က မတည်တဲ့အခါ မကွဲချင်ပေမယ့်လည်း ကွဲသွားရတဲ့ စုံတွဲတွေ ဒုနဲ့ဒေးပါပဲ။

ဒါကြောင့် ယခုလက်ရှိ မိမိဘေးမှာ ရှိနေတဲ့ချစ်သူဟာ ကိုယ်နဲ့ တသက်လုံး မကွဲမကွာ ရှိသွားမလားဆိုတာကို သိသာထင်ရှားစေတဲ့ အချက်တချို့ရှိပါတယ်။ ကြည့်လိုက်ရအောင်။

၁။ တစ်ယောက်နဲ့တစ်ယောက် ချစ်ကြောင်းအမြဲပြောခြင်း

ချစ်တယ်ဆိုတဲ့စကားဟာ relationship အစမှာပဲ ပြောရမယ့်စကားမဟုတ်ပါဘူး။ နေ့တိုင်းလိုလို အမြဲလိုလို ပြောနေရမယ့် စကားပါ။ တစ်ယောက်နဲ့တစ်ယောက် အမှန်တကယ်ချစ်ခင်ကြတဲ့ စုံတွဲတွေအတွက်တော့ ချစ်တယ်ဆိုတာဟာ လုပ်ယူပြီး ပြောယူနေရတာမဟုတ်ဘဲ ကိုယ့်ရဲ့ရင်ထဲကအတိုင်း သူ့အလိုလို ဖွင့်ဟမိပါတယ်။ ဒီလိုမျိုး နေ့တိုင်းလိုလို ချစ်ခြင်းမေတ္တာအကြောင်း ဖွင့်ဟတတ်တဲ့ အတွဲတွေကတော့ မြဲမှာ သေချာပါတယ်။

၂။ အမြဲနမ်းခြင်း

ဟုတ်ပါတယ်။ တွေ့လိုက်တဲ့အချိန်တိုင်း အနမ်းလေးပေးတတ်တဲ့အကျင့်မျိုး နှစ်ဦးကြားထဲမှာ ရှိနေတာကလည်း အင်မတန်မှ ချစ်စရာကောင်းတဲ့ အချစ်လေးပါ။ လူတွေရဲ့ သဘောက ချစ်ခင်မှုကို အနမ်းဆိုတဲ့ အပြုအမူလေးနဲ့ ပြတတ်ကြတာဆိုတော့ မိမိချစ်သူကို နမ်းလိုက်တိုင်း သူ့ရဲ့ ချစ်ခြင်းမေတ္တာကိုပါ ပူးတွဲခံစားမိပါလိမ့်မယ်။ နေ့တိုင်း မဟုတ်တောင် ဆုံတွေ့တဲ့နေ့ရက်တိုင်းမှာ အနမ်းမပါဘဲ မပြီးဆုံးသွားဘူးဆိုလျှင် ဒီလိုအတွဲတွေကလည်း မကွဲဖို့ များပါတယ်။

၃။ ချစ်သူအမျိုးသားကျန်းမာသန်စွမ်းခြင်း

စုံတွဲတစ်တွဲမှာ အမျိုးသားဘက်မှ ကျန်းမာရေးလိုက်စားသူ တစ်ယောက်ဖြစ်တယ်ဆိုလျှင်လည်း ထိုအတွဲဟာ စိတ်ချမ်းသာရတတ်တယ်လို့ ဆိုပါတယ်။ အမျိုးသားက ဦးဆောင်သူဖြစ်တဲ့အတွက် သူကိုယ်တိုင် ကျန်းမာသန်စွမ်းနေမှ ချစ်သူအမျိုးသမီးအတွက အားကိုးအားထားရာ ဖြစ်လာနိုင်တယ်ဆိုတဲ့ သဘောလို့ ယူဆမိပါတယ်။

၎။ ပွင့်လင်းခြင်း

ချစ်သူနှစ်ဦးကြားမှာ အငြှိုးအတေး၊ အာဃာတတွေ မထားတတ်ဘဲ ကျေနပ်တာ၊ မကျေနပ်တာကို ပွင့်ပွင့်လင်းလင်း ပြောပြတတ်တာကလည်း ကောင်းတဲ့အလေ့အကျင့်ပါပဲ။ ဘယ်အရာမဆို ပွင့်ပွင့်လင်းလင်း ဖွင့်ဟဝန်ခံတတ်ကြတဲ့ ချစ်သူစုံတွဲတွေအတွက်လည်း ကွဲကွာခြင်းဆိုတာ မရှိသလောက်ပါပဲ။ သေခြင်းတရားကြောင့်က လွဲရင်ပေါ့….

၅။ စိတ်ထဲမှာခံစားမိနေခြင်း

ဒါမျိုးကတော့ ပြောပြတာထက် ကိုယ်ကိုယ်တိုင် စိတ်ထဲမှ ခံစားသိမိနေတာမျိုးပါ။ ဒီတစ်ယောက်နဲ့တော့ ငါဘယ်တော့မှ မကွဲတော့ဘူး။ သူက ငါလက်ထပ်မယ့်သူ၊ တစ်ဘဝလုံး သူနဲ့ပဲ လက်တွဲတေ့ာမယ်ဆိုတဲ့ အတွေးတွေကို ခဏခဏတွေးမိနေတတ်တယ်။ စိတ်ထဲမှာကို အလိုလို သိနေတဲ့ ခံစားချက်မျိုးပါ

၆။ အကျင့်စရိုက်၊ အပြောအဆိုတူခြင်း

တစ်ယောက်နဲ့တစ်ယောက် ပြောပုံဆိုပုံတွေက တူလာတယ်၊ အကျင့်စရိုက်တွေကလည်း အလုံးစုံနီးပါး ထပ်တူကျနေတယ်၊ စိတ်ဓါတ်ချင်းကလည်း တူနေတတ်တဲ့ အတွဲတွေပေါ့။ တစ်ခါတလေ ကိုယ်တစ်ခွန်းပြောပြီးရင် သူဘာပြန်ပြောမယ်ဆိုတာကအစ သိနေတယ်၊ သူနဲ့ကိုယ်နဲ့ မကြာခဏ တိုက်တိုက်ဆိုင်ဆိုင် တူသွားတဲ့ အချက်တွေများလာတယ်၊ ဒါတွေကလည်း သင်တို့နှစ်ဦးသား မကွဲမကွာဘဲ နီးစပ်ရမယ့် လက္ခဏာတွေပါပဲ။

၇။ ကျေးဇူးတင်တတ်ခြင်း

တစ်ဦးနဲ့တစ်ဦး ဒီလိုတွေ့ဆုံခွင့်ရလို့၊ ချစ်ခင်ခွင့်ရလို့ အပြန်အလှန် ကျေးဇူးတင်ဖူးလား။ သူ့ကို ကိုယ်ချစ်ခွင့်ရတဲ့အတွက်၊ ကိုယ့်ကို သူချစ်ခွင့်ရတဲ့အတွက် တစ်ဦးအပေါ် တစ်ဦး ကျေးဇူးတင်စကား ပြောတတ်တဲ့ ချစ်သူစုံတွဲတွေကလည်း ဘယ်တော့မှ မကွဲနိုင်တဲ့ အတွဲတွေပါပဲတဲ့။ တန်ဖိုးထားတတ်ခြင်းကလည်း သင်တို့နှစ်ဦးကို တည်မြဲစေတဲ့ အကြောင်းအရင်းပါပဲ။

အခက်အခဲ အချို့ကြောင့် မြန်မာ ဆက်သွယ်ရေးဂြိုဟ်တု Myanmar Sat -2 လွှတ်တင်ရက် ရွှေ့ဆိုင်း

အာကာသထဲလွှတ်တင်မယ့် မြန်မာ ဆက်သွယ်ရေးဂြိုဟ်တု Myanmar Sat -2 ဟာ အတူလိုက်ပါမယ့် ဂြိုဟ်တုရဲ့ နည်းပညာပိုင်းဆိုင်ရာ ပြဿနာကြောင့် လွှတ်တင်မယ့်ရက်ကို သြဂုတ်လ ၇ ရက်နေ့အထိ ရွှေ့ဆိုင်းလိုက်ရတယ်လို့ ပို့ဆောင်ရေးနဲ့ ဆက်သွယ်ရေး ဝန်ကြီးဌာနအောက်မှာရှိတဲ့ ဂြိုဟ်တု ဆက်သွယ်ရေးဌာနက ပြောပါတယ်။

“ဒုံးပျံထဲ Myanmar Sat -2 နဲ့ အတူလိုက်ပါမယ့် ဥရောပဂြိုဟ်တု EDRS-C (European Data Relay System ) ကို နည်းပညာပိုင်းဆိုင်ရာ စစ်ဆေးနေရလို့ ရက်ထပ်ရွှေ့လိုက်ရတာပါ၊ ခုတော့ ပြီးစီးသလောက် ဖြစ်နေပါပြီ” လို့ သတင်းအချက်အလက်နည်းပညာနဲ့ ဆိုက်ဘာလုံခြုံရေးဦးစီးဌာန အင်ဂျင်နီယာချုပ် ဦးဝင်းအောင်က ပြောပါတယ်။

တကယ်တော့ Myanmar Sat -2 ကို ဇူလိုင် ၂၅ ရက်နေ့က လွှတ်တင်ဖို့ စီစဉ်ထားခဲ့ပေမယ့် ဇူလိုင်လ ၁၀ ရက်နေ့က လွှတ်တင်မယ့် အာရပ်စော်ဘွားများနိုင်ငံရဲ့ ဂြိုဟ်တုက ပျက်ကျခဲ့လို့ သြဂုတ် ၃ ရက်နေ့မှာ လွှတ်တင်ဖို့ ရွှေ့ဆိုင်းခဲ့ပါတယ်။

အခုလည်း နည်းပညာအခက်အခဲကြောင့် လွှတ်တင်မယ့်ရက် ထပ်ရွှေ့ဆိုင်းလိုက်တာ ဖြစ်ပါတယ်။

“ဒီတခါတော့ Intelsat ကနေ အတည်ပြုစာ ရထားပါပြီ၊ ရာသီဥတုကြောင့် ရွှေ့ပြောင်းတာမျိုး မဖြစ်ရင် မြန်မာစံတော်ချိန် သြဂုတ်လ ၇ ရက်နေ့ မနက် ၂ နာရီ၊ ဂိုင်ယားနား စံတော်ချိန် သြဂုတ်လ ၆ ရက်နေ့ ညနေ ၄ နာရီမှာ လွှတ်တင်မှာပါ” လို့ အင်ဂျင်နီယာချုပ် ဦးဝင်းအောင်က ပြောပါတယ်။

ဂြိုဟ်တုလွှတ်တင်မယ့် ပုံရိပ်တွေကိုလည်း ဖေ့စ်ဘွတ် တွစ်တာ စတဲ့ ဆိုရှယ်မီဒီယာတွေကို တိုက်ရိုက်ထုတ်လွှင့်မှာ ဖြစ်သလို လွှတ်တင်မယ့် သြဂုတ်လ ၇ ရက်နေ့ ည ၁၂ နာရီ ကျရင်လည်း နေပြည်တော်က ကမ်ပက်စကီးဟိုတယ်မှာ ဆက်သွယ်ရေးနဲ့ ပို့ဆောင်ရေးဝန်ကြီးဌာနက ဦးဆောင်ပြီးတော့ အခမ်းအနားလုပ် တိုက်ရိုက်စောင့်ကြည့်တာတွေ လုပ်ဖို့ရှိနေပါတယ်။

“ည ၁ နာရီမှာ အခမ်းအနားစမယ်၊ လွှတ်တင်မယ့် ည ၂ နာရီအချိန်အထိ တိုက်ရိုက်ထုတ်လွှင့်တာတွေ လုပ်မယ်၊ ဂြိုဟ်တုထုတ်လုပ်ရေးကုမ္ပဏီနဲ့ ဝန်ကြီးဌာနတွေက ကိုယ်စားလှယ်တွေ တက်ရောက်ပါ့မယ်” လို့ အင်ဂျင်နီယာချုပ် ဦးဝင်းအောင်က ပြောပါတယ်။

Myanmar Sat -2 ကို တောင်အမေရိကတိုက်ထဲက အီကွေတာနဲ့ တည့်တည့်ကျတဲ့ ဂိုင်ယားနားနိုင်ငံ (Guyana)၊ ကော်ရိုး (Kourou) ကမ်းခြေမြို့လေးက Arianespace ဂြိုဟ်တု လွှတ်တင်ရေးစခန်းကနေ ကီလိုမီတာအမြင့် ၃ သောင်း ၆ ထောင်ကို လွှတ်တင်မှာ ဖြစ်ပါတယ်။

Myanmar Sat-2 အတွက် International Telecommunications Satellite Organization က လွှတ်တင်မယ့် Intelsat 39 ဂြိုဟ်တုကို မြန်မာနိုင်ငံက တစိတ်တပိုင်း ဝယ်ယူတာမို့ မြန်မာဘက်က အချိုးကျ ပိုင်ဆိုင်မှုပဲ ရမှာဖြစ်ပေမယ့် ဂြိုဟ်တုသက်တမ်းအပြည့် ၁၅ နှစ်အထိ ပိုင်ဆိုင်အသုံးပြုနိုင်မှာပါ။

ဒီဆက်သွယ်ရေးဂြိုဟ်တုဟာ မိုဘိုင်းဖုန်းနဲ့ အင်တာနက် အဆက်အသွယ် ပိုကောင်းလာဖို့ ရည်ရွယ်ပြီး နည်းပညာပိုင်းလည်း အဆင့်မြှင့်ထားတယ်လို့ သတင်းအချက်အလက်နည်းပညာနဲ့ ဆိုက်ဘာလုံခြုံရေးဦးစီးဌာနက ပြောထားပါတယ်။

အမေရိကန်က ပိတ်ထားပေမယ့် ဝင်ငွေတိုးမှုမှာ ပန်းပန်နေဆဲ ဟွာဝေး

ကုမ္ပဏီရဲ့ ပထမနှစ်ဝက်မှာ ဝင်ငွေက ၂၃ ရာခိုင်နှုန်းအထိ မြင့်တက်သွားပြီး စမတ်ဖုန်းတွေ ပို့ဆောင်ရတာကလည်း ၂၄ ရာခိုင်နှုန်း အထိ တိုးလာတယ်လို့ ထုတ်ပြန်ပါတယ်။

ပြီးခဲ့တဲ့ မေလမှာ အမေရိကန် ကုမ္ပဏီတွေကို ဟွာဝေးနဲ့ ကုန်သွယ်တာတွေမလုပ်ဖို့ ဆိုပြီး အမေရိကန် အစိုးရကဟွာဝေးကုမ္ပဏီကို အမည်ပျက်စာရင်းသွင်း တားမြစ်ခဲ့ ပါတယ်။ ဒါ့အပြင် အမေရိကန် အစိုးရရဲ့ ခွင့်ပြုချက်မပါဘဲ ဟွာဝေးရဲ့ ထုတ်ကုန်တွေကို မဝယ်ယူဖို့လည်း အမေရိကန်ကုမ္ပဏီတွေကိုလည်း ညွှန်ကြားထားပါတယ်။

ဟွာဝေး ထုတ်ကုန်တွေကို တရုတ်အစိုးရက စောင့်ကြည့်တဲ့အနေနဲ့ အသုံးပြု နိုင်တယ်လို့ ယူဆပြီး လုံခြုံရေး အရ ခြိမ်းခြောက်မှု တွေရှိတယ်လို့ အမေရိကန် ဘက်က စွပ်စွဲခဲ့ပေမယ့် ကုမ္ပဏီဘက်ကတော့ ဒါကိုငြင်းဆန်ထား ပါတယ်။

အမေရိကန်နဲ့ ကုန်သွယ်ရေး စစ်ပွဲမှာ ဟွာဝေးဟာ ဓားစာခံ ဖြစ်တယ်လို့ တရုတ် နိုင်ငံသားတွေက မှတ်ယူပြီး ကုမ္ပဏီထုတ် ပစ္စည်းတွေကို ပိုမို ဝယ်ယူ အားပေးလို့ ဒီလို ဝင်ငွေတိုးလာတာလို့ ဘီဘီစီ သတင်းထောက်က သုံးသပ်ပါတယ်။ တရုတ်နိုင်ငံ ရှန်ကျင့် မြို့မှာ ကျင်းပတဲ့ သတင်းစာရှင်းလင်းပွဲမှာ ဟွာဝေး ကုမ္ပဏီ ဥက္ကဋ္ဌ လျန်ဟွာက အမေရိကန်က အမည်ပျက် စာရင်း သွင်းခဲ့ပေမယ့် ဒါက မထိရောက်ဘူးဆိုတာ သက်သေပြခဲ့ပြီး ဖြစ်တယ်လို့ ပြောပါတယ်။

မေလ ၁၆ ရက်က ထုတ်ပြန်ချက်ကြောင့် တရုတ်နိုင်ငံမဟုတ်တဲ့ နိုင်ငံခြား ဈေးကွက် တွေမှာ စမတ်ဖုန်း ရောင်းချမှုကို ထိခိုက်သွားပေမယ့် အခုတော့ ၈ဝ ရာခိုင်နှုန်း ပြန်ကောင်းလာပါတယ်လို့ သူက ပြောပါတယ်။ ဒါပေမဲ့ ရှေ့မှာ ကုမ္ပဏီအတွက် အခက်အခဲ တချို့ရှိနေပြီး ကုမ္ပဏီရဲ့ ရေတို တိုးတက်မှု အပေါ် သက်ရောက်မှုရှိတယ်လို့လည်း သူက သတိပေးလိုက်ပါတယ်။

ဇွန်လတုန်းကလည်း နိုင်ငံတကာမှာ ဟွာဝေး လက်ကိုင်ဖုန်းတွေ ရောင်းချရမှုက ၄ဝ ရာခိုင်နှုန်းအထိ ကျသွားပြီး ဒါဟာ နှစ်စဉ် ဝင်ငွေကို ထိခိုက်နိုင်တယ်လို့ ဟွာဝေးတည်ထောင်သူ ရန်ကျန့်ဖေးက ပြောဆိုခဲ့ပါတယ်။

5G Network Internet Mobile Wireless Business concept.5G standard of modern signal transmission technology.

အခု နှစ်ဝက်ဝင်ငွေတိုးတက်ခဲ့တဲ့ ရလဒ်ကို ကြည့်ရင် ဟွာဝေးရဲ့ ရည်မှန်းချက်ဖြစ်တဲ့ ပဉ္စမမျိုးဆက် မိုဘိုင်း ဖုန်းကွန်ရက် (5G) အကောင်ထည်ဖော် လုပ်ဆောင်နေ တာကို မထိခိုင်ဘူးလို့ဆိုပါတယ်။

ပဉ္စမမျိုးဆက် မိုဘိုင်း ဖုန်းကွန်ရက်နဲ့ ပတ်သက်လို့ ကမ္ဘာတဝန်းမှာ ကုမ္ပဏီ ၅ဝ နဲ့ စာချုပ် ချုပ်နိုင်ခဲ့ပြီး အခြေစိုက် စခန်း တသိန်း ငါးသောင်းနီးပါး ဆောက်လုပ်ဖို့ ပစ္စည်းတွေ သယ်ယူပို့ဆောင် ထားတယ်လို့ ဟွာဝေးက ထုတ်ပြန်ထားပါတယ်။

အချိန်ဆွဲတတ်တဲ့ အကျင့်ကို ဖျောက်နည်း

ကိုယ့်ရဲ့ မကောင်းတဲ့ အမူအကျင့်တွေကို ပြောင်းလဲဖို့ ‘စိတ်စွမ်းအား’ ကိုအသုံးပြုဖို့ ကြိုးစားတာ ဟာ ပင်ကိုအားဖြင့် ဘာမှ မမှားပေမယ့် ‘စိတ်စွမ်းအား’ ဆိုတာဟာ အကျင့်ကိုပြောင်းပေးတဲ့ အလုပ်နဲ့  တခြားစီဖြစ်တဲ့အတွက် မသင့်တော်တဲ့၊ အကန့်အသတ်ရှိတဲ့ အရင်းအမြစ် တစ်ခု ဖြစ်တယ် ဆိုတာကို သိပ္ပံနည်းကျတဲ့ လေ့လာမှုတွေ က ပြသခဲ့ပါတယ်။

အခုအချိန်ကစပြီး ကိုယ့်ရဲ့ အကျင့်တွေကိုပြောင်းလဲဖို့ အတွက် စိတ်စွမ်းအားကို အသုံးပြုဖို့ ကြိုးစားတာကို ရပ်ပစ်လိုက်ပြီး ‘R.I.S.E.S” ဆိုတဲ့ နည်းလမ်း’ ကို အသုံးပြုကြည့်လိုက်ပါ လို့ အကြံပြုထားတာလေး ပြန်လည် ဖော်ပြပေးလိုပါတယ်။

၁။ Recognize- ကိုယ့်ရဲ့ အချက်ပြပေးမှုကို အသိအမှတ်ပြုပါ။

ဒီအကျင့်ကို အစပျိုးပေးတဲ့ လှုံ့ဆော်မှုဟာ ဘာလဲ။ နောက် လာမယ့် ခုနစ်ရက်အတွင်းမှာ ကိုယ့်ဘ၀ ထဲမှာ ကိုယ့်ကိုအချိန်ဆွဲအောင်လုပ်နေတဲ့ အရာတွေဟာ ဘာတွေဖြစ်နေတယ် ဆိုတာကို အတိအကျ သတိထားပြီးကြည့်ပါ။

ဥပမာ အားဖြင့် ကိုယ်ဟာ စိုးရိမ် ထိတ်လန့်တဲ့အတွက် အချိန်ဆွဲနေသလား။  တစ်ကိုယ်တည်း အထီးကျန်တယ်လို့ ခံစားရတဲ့အတွက် အင်တာနက်ကို သုံးနေတာလား။

၂။ Isolate- ကိုယ်ရဲ့ လုပ်ရိုးလုပ်စဉ်အလုပ်ကို အဆက်အသွယ်ဖြတ်လိုက်ပါ။

အချက်ပေးမှုဖြစ်လာပြီးတဲ့နောက်မှာ ကိုယ်အတိ အကျလုပ်တာဟာဘာလဲ။ ဥပမာအားဖြင့် လူတွေဟာ စိုးရိမ်ထိတ်လန့်တဲ့အခါ အဲဒီလို ခံစားအောင် လုပ်တဲ့ အရာဆီက ထွက်ပြေးလေ့ ရှိပါတယ်။

အဲဒါကြောင့် ကိုယ်ဟာဖောက်သည်ဖြစ်ဖို့ အလားအလာရှိတဲ့သူ ဆီကို ဖုန်းခေါ်ရမှာ ကြောက်နေရင် ကိုယ်လုပ်ဖို့ လွယ် ကူတဲ့အရာတစ်ခုက အင်တာနက်ကို အသုံးပြုလိုက် တာပဲ ဖြစ်ပါတယ်။ အဲဒီလို သုံးလိုက်တဲ့အတွက် အဲဒီ စိုးရိမ်ထိတ်လန့်မှုကို ကိုယ် ရင်ဆိုင်စရာ မလိုတော့ ပါ ဘူး။ အဲဒီလိုအင်တာနက်သုံးတဲ့ လုပ်ရိုးလုပ်စဉ်အ လုပ်ကို အဆက်ဖြတ်လိုက်ပါ။

၃။ Sense- ကိုယ့်ရဲ့ ဆုလာဘ်ကို သိအောင်လုပ်ပါ။

ဥပမာအားဖြင့် ကိုယ်လုပ်ဖို့စဉ်းစားနေတဲ့အရာကို ကိုယ်အမှန်တကယ်လုပ်ခဲ့ရင် ဖြစ်ကောင်း ဖြစ်လာ မယ့် အရာကို ကိုယ့်အနေနဲ့ ရင်ဆိုင်စရာမလိုတဲ့အတွက် အချိန်ဆွဲခြင်းဟာ ကိုယ့်ကို လုံခြုံတယ်လို့ ခံစားအောင် လုပ်ကောင်း လုပ်ပေးနိုင် ပါတယ်။ ဒီအကျင့်ကိုလုပ် တဲ့ဆီက ကိုယ် ရလာတဲ့ ဆုလာဘ်က ဘာလဲ။ အဲဒါကို သိအောင်လုပ်ပါ။

၎။ Expose- ကိုယ့်ရဲ့ယုံကြည်ချက်ကို ဖော်ထုတ်ပါ။

အကျင့်တိုင်းဟာ သူနဲ့ လိုက်လျောညီထွေရှိတဲ့ ယုံ ကြည်ချက်တစ်ခုကို ထုတ်လုပ်ပေးပါတယ်။ ဥပမာ အားဖြင့် အချိန်ဆွဲတဲ့အကျင့်ကို အရိုးစွဲနေသူ တစ်ယောက်ဟာ ‘ငါဟာ အလုပ် တစ်ခုကို ဖုတ်ပူမီးတိုက် လုပ်ရမှ လုပ်လို့ပိုပြီးကောင်းတယ်” လို့ ယုံကြည်ကောင်း ယုံကြည်နေနိုင် ပါတယ်။ ကိုယ်ဆုပ်ကိုင်ထားတဲ့ ဘယ်လိုယုံကြည်ချက်တွေက ကိုယ့်ရဲ့အကျင့်ကို ဖျောက်လို့မရအောင် တားဆီးနေတာလဲသိအောင် လုပ်ပါ။

၅။ Substitute- ပိုမိုကောင်းမွန်တဲ့ လုပ်ရိုးလုပ်စဉ်တစ်ခု ကိုအစားထိုးပါ။

အင်တာနက်ကို အကြာင်းမဲ့သက်သက် အသုံးပြုနေ မယ့်အစား ဖောက်သည်ဖြစ်ဖို့ အလား အလာ ရှိတဲ့သူ ကို အမှန်တကယ် ဖုန်းခေါ်လိုက်ရင်၊ ဒါမှမဟုတ် အစီရင်ခံစာကို ပြီးအောင် ရေးလိုက် ရင်ဘယ်လိုနေမလဲ။ ကိုယ့်ကိုခြောက်လှန့်နေတဲ့အရာကို ကိုယ်အမှန် တကယ် လုပ်လိုက်ရင် ဘာဖြစ်သွားပါမလဲဆိုတာကို စဉ်းစားရင်း လုပ်ပါ။

မုန်တိုင်းက ၄ လုံးလောက် လာဖို့ရှိသေးတယ် ဆိုတဲ့ ဦးထွန်းလွင်နဲ့ အမေးအဖြေ

မြန်မာနိုင်ငံ၏ မိုးလေဝသအခြေအနေအပေါ် မိုးလေဝသပညာရှင် ဒေါက်တာထွန်းလွင်နှင့် တွေ့ဆုံကာ စိုးစိုး မေးမြန်းထားသည်များကို ပြန်လည် ဖော်ပြပေးလိုကပါတယ်။

စိုးစိုး။ ။ ကချင်တို့၊ စစ်ကိုင်းတို့မှာ လတ်တလော ရေတွေကြီးနေတာ ဘာကြောင့်လဲဆရာ။

ဦးထွန်းလွင်။ ။ မြန်မာနိုင်ငံမှာက စောစောပိုင်းက မိုးမကောင်းဘူး။ ဒါပေမဲ့ ဇူလိုင်လဆန်းပိုင်းက အိန္ဒိယကို မုတ်သုံ ဝင်တဲ့အချိန်မှာ ဒီဘက်မှာလည်း မုတ်သုံလေဦးက မြောက်ဘက်ကို တက်သွားတယ်။ မြောက်ဘက် ဘယ်အထိ တက်သွားလဲဆိုတော့ ဟိမဝန္တာတောင်အထိ တက်သွားတယ်။ အဲဒီတောင်အထိ ရောက်သွားတဲ့အခါမှာ အမြဲတမ်းလိုလို မြန်မာပြည်မှာ ၂ မျိုးဖြစ်တယ်။ တမျိုးက ဘင်္ဂလားပင်လယ်အော်မှာရှိတဲ့ မုတ်သုံဟာ အားလျော့သွားတယ်။ နောက်တမျိုးက မြန်မာပြည်မြောက်ဖျားမှာရှိတဲ့ ကချင်နဲ့ စစ်ကိုင်းမှာ မိုးတွေ တအားရွာတယ်။ ကချင်မှာ တအားရွာတဲ့အတွက် ဧရာဝတီမြစ်ဖျားပိုင်း ရေတက်တယ်။ စစ်ကိုင်းမှာ တအားရွာတဲ့အတွက် ချင်းတွင်းမြစ်ဖျား ရေတက် တယ်။ အဲဒီမြစ်တွေတလျှောက်မှာရှိတဲ့ မြို့တွေတော် တော်များများဟာ စိုးရိမ်ရေအမှတ်ကို ကျော်သွားတယ်။အဲဒီလိုကျော်သွားလို့ ရေလျှံတဲ့သဘောပါ။ ဆည်တွေ ကြောင့် မဟုတ်ဘူး။ မိုးရေသက်သက်ကြောင့်ပါ။ မိုးကောင်းလို့ မြစ်ရေလျှံတဲ့သဘောပါ။ ဆည်ကြောင့်ဆိုရင် ဆည်နဲ့ပတ်ဝန်းကျင်ပဲရေတက်မှာပေါ့။

စိုးစိုး။ ။ ဒီနှစ်မှာ မိုးတအားနည်းတာ တွေ့ရတယ်။ မိုးခေါင်တဲ့နှစ်လို့ ပြောလို့ရလား။

ဦးထွန်းလွင်။ ။ ဒီနှစ်က ကာလအပိုင်းအခြားနဲ့ပြောရင် မိုးဦးနဲ့ မိုးကြိုကာလက ပြီးသွားပြီ။ အခုက မိုးလယ်ကာလကို ရောက်နေပြီ။ မိုးကြိုကာလကလည်း မိုးမကောင်းဘူး။မိုးဦးကလည်း မိုးမကောင်းဘူး။ မကောင်းတာက မြန်မာနိုင်ငံတဝန်းလုံးမှာရှိတဲ့ မိုးလေဝသစခန်းအားလုံးဟာ ပုံမှန်ရွာနေကျ မိုးရေချိန်ကို ပြည့်မီအောင် ရွာတဲ့ စခန်းရယ်လို့ တခုမှမရှိဘူး။ အားလုံးရွာသွန်းမြဲအောက် လျော့တယ်။ အဲဒါကြောင့် ဒီနှစ်က မိုးနည်းတဲ့နှစ်လို့ သတ်မှတ်လို့ရတယ်။

စိုးစိုး။ ။ အဓိကမိုးနည်းရတဲ့ အကြောင်းအရင်းက ဘာဖြစ်မလဲဆရာ။

ဦးထွန်းလွင်။ ။ မိုးနည်းရတဲ့အဓိကအကြောင်းက အရှေ့လေပွေလှိုင်းမလာဘူး။ တိုင်ဖွန်းမုန်တိုင်း အကြွင်းအကျန် မလာဘူး။ ဘင်္ဂလား ပင်လယ်အော်မှာလည်း မုန်တိုင်းဖြစ်မှု အားနည်းလို့ပါ။ အဲဒါကြောင့်ပါ။

စိုးစိုး။ ။ မြန်မာနိုင်ငံအလယ်ပိုင်းဒေသတွေမှာ ဒီနှစ်မိုးခေါင်တာ အဆိုးဆုံးလို့ပြောလို့ရလား။ ဘာကြောင့်လဲဆရာ။

ဦးထွန်းလွင်။ ။ ဒီအချိန် အောက်ပိုင်းကမ်းရိုးတန်းဒေသတွေဖြစ်တဲ့ ရခိုင်၊ ဧရာဝတီ၊ ပဲခူး၊ ရန်ကုန်၊ မွန်၊ ကရင် အဲဒီဒေသတွေကို ကြည့်လိုက်ရင် မိုးရွာတယ်။ တနင်္သာရီက မိုးသိပ်မရွာဘူး။ အတွင်းပိုင်းတွေကျတော့ ဘယ်လိုဖြစ်လဲဆိုတော့ မိုးနည်းတယ်။ အထူးသဖြင့် စစ်ကိုင်းတိုင်း အောက်ပိုင်းရယ်၊ မန္တလေးတိုင်းရယ်၊ မကွေးတိုင်းရယ် တိုင်း ၃ ခုဆုံတဲ့နေရာတွေ အဲဒီနေရာပတ်ဝန်းကျင်ဟာ မိုးအနည်းဆုံးပဲ။ ဘာကြောင့်လဲ ဆိုတော့ မြန်မာနိုင်ငံ အလယ်ပိုင်းရဲ့ မိုးရေချိန်ဟာ မြန်မာနိုင်ငံတခြားဒေသတွေနဲ့မတူဘူး။ တခြားဒေသတွေက အခုလို မုတ်သုံအားကောင်းရင် မိုးတွေ ရွာတယ်။ မြန်မာနိုင်ငံအလယ်ပိုင်းက မုတ်သုံအားကောင်းလေ မရွာလေဘဲ။ မြန်မာနိုင်ငံအလယ်ပိုင်းက ဘာနဲ့ရွာလဲဆိုရင် အဓိက မုန်တိုင်းနဲ့ရွာတယ်။ ဘင်္ဂလားပင်လယ်အော်က မုန်တိုင်းဖြစ်ရင်လည်း ရွာတယ်။ အရှေ့ဘက်တောင်တရုတ်ပင်လယ်ကလာရင်လည်း ရွာတယ်။ ဒီနှစ်မှာက ပြီးခဲ့တဲ့ မေလဆန်းမှာတော့ မုန်တိုင်းတခုတိုက်လိုက်တယ်။ အိန္ဒိယကို ဝင်သွားတယ်။ အဲဒီကနေစလို့ ကနေ့အချိန်ထိ ဘင်္ဂလားပင်လယ်အော်မှာ မုန်တိုင်းတလုံးမှ မဖြစ်ဘူး။ အရှေ့ဘက်ကလည်း မုန်တိုင်းတလုံးမှမလာဘူး။ အဲဒီတော့ မုန်တိုင်း မိုးတလုံးမှမရှိတဲ့အတွက် မြန်မာနိုင်ငံအလယ်ပိုင်းဟာ အဓိကအားဖြင့် မိုးခေါင်နေတာဖြစ်ပါတယ်။ မြန်မာပြည်အလယ်ပိုင်းမှာ မိုးမရွာပေမဲ့ ဧရာဝတီမြစ် ရေကြောင့် ရေတော့တက်တယ်။ အပေါ်ကတက်ခဲ့တဲ့ ရေတွေက အောက်ကို ဆင်းလာတာပေါ့။ ဧရာဝတီမြစ်ရေက အခုအလယ်ပိုင်းတက်နေတာ အောက်ပိုင်းကို ရောက်ဦးမှာ။ ဧရာဝတီမြစ်ရေဒဏ်ကို ညောင်တုန်းတို့၊ ဟင်္သာတဘက်တို့ အဓိက ခံရဦးမယ်။

စိုးစိုး။ ။ မုန်တိုင်းနဲ့ပတ်သက်လို့ သုံးသပ်ပြောကြားပေးပါဦး။

ဦးထွန်းလွင်။ ။ ဒီနှစ်မုန်တိုင်းဖြစ်တာ တအားနည်းတယ်။ အမှန်က နှစ်တဝက်ကျိုးနေပြီ ၂ လုံး၊ ၃ လုံးလောက်ဖြစ်ရမှာ။

စိုးစိုး။ ။ လက်ရှိမှာ မုန်တိုင်းဖြစ်မှု အားနည်းနေတယ်ဆိုတော့ နောက်လာမယ့် လတွေမှာရော ဖြစ်ဖို့ရှိလား။

ဦးထွန်းလွင်။ ။ ဇူလိူင်လဆန်းက အိန္ဒိယမှာ မုတ်သုံဝင်တာ မပြီးသေးဘူး။ မုတ်သုံက အိန္ဒိယနိုင်ငံတောင်ပိုင်း လောက်မှာပဲရှိသေးတယ်။ အမှန်ကတော့ မြောက်ပိုင်းလောက်ရောက်နေရမှာ နောက်ကျနေတာပေါ့။ မဝင်ခင် မှာ အိန္ဒိယက မိုးခေါင်တယ်။ အပူလှိုင်းဖြတ်တယ်။ အပူလှိုင်းဖြတ်တော့ အပူချိန် ၅ဝ ဒီဂရီစင်တီဂရိတ် ရောက်တဲ့အတွက် လူတွေသေတယ်။ စိုက်ပျိုးရေးလုပ်ငန်းတွေ အကုန်ပျက်တယ်။ အိန္ဒိယရဲ့တောင်ဘက်မှာ မြို့တမြို့ရှိတယ်။ အဲဒီမြို့မှာဆိုရင် နောက်ဆုံးရေမရှိလို့ ဟိုတယ်တွေပါ ပိတ်ထားရတယ်။ အဲဒီမှာ အိန္ဒိယကို မုတ်သုံဝင်သွားလိုက်တာ မြောက်ပိုင်းရော၊ အနောက် မြောက်ပိုင်းရော ရောက်သွားတယ်။ အဲဒီမှ မိုးတွေ ဆက်တိုက်ရွာတာပေါ့။ မိုးတွေရွာတော့ စောစောက မိုးခေါင်အပူလှိုင်းဖြတ်လို့ လူတွေသေ၊ ရေတွေခန်းတဲ့ မြို့တွေမှာ ရေတွေကြီးပြန်ရော။ အဲဒီလိုပဲ ဆရာတို့ မြန်မာနိုင်ငံမှာလည်း မုန်တိုင်းမလာတဲ့အတွက် မိုးနည်းတယ်။ မိုးကို လိုအပ်တဲ့အချိန်မှာ မိုးမရွာဘူး။ စိုက်ပျိုးရေးလုပ်ငန်းတွေ အဓိကဒုက္ခရောက်တယ်။ မုန်တိုင်းက အခုမလာပေမဲ့ အောက်တိုဘာ၊ နိုဝင် ဘာ၊ ဒီဇင်ဘာ အဲဒီသုံးလအတွင်းမှာ အနည်းဆုံး ၄ လုံးလောက်ဖြစ်မယ်။ အဲဒီအခါကျရင် မိုးတွေရွာဦးမယ်။ အဲဒီကအခါကျတော့ ဖျက်မိုးဖြစ်သွားပြီး ကောင်းကျိုးမပေးတဲ့ မိုးဖြစ်သွားပြီ။ အဓိကတော့ စိုက်ပျိုးရေးသမားတွေ ရိတ်ချိန်သိမ်းချိန်ဖြစ်တဲ့အတွက် အကြီးအကျယ်ဒုက္ခရောက်ကြရဦးမယ်။

စိုးစိုး။ ။ ဖြစ်ပေါ်လာမယ့် သဘာဝဘေးတွေနဲ့ပတ်သက်ပြီး ကြိုတင်ပြင်ဆင်ထားသင့်တဲ့အချက်များရှိရင်ပြောပြပါဆရာ။

ဦးထွန်းလွင်။ ။ စိုက်ပျိုးရေးနဲ့ပတ်သက်ပြီးပြောရရင်တော့ စိုက်ပျိုးရေးကလည်း ရေကြီးလည်းပျက်တယ်၊ မုန်တိုင်းဝင်လည်း ပျက်တယ်။ အဲဒါကြောင့် သဘာဝဘေးအန္တရာယ် ကာကွယ်စောင့်ရှောက်ရေးလုပ်ငန်းစီမံချက်ဌာနတွေမှာရှိတဲ့ ထွေအုပ်ရုံး၊ ကယ်ဆယ်ရေး စခန်းတွေမှာရှိတဲ့ လမ်းညွှန်ချက်တွေ ကို လိုက်နာဆောင်ရွက်ဖို့ လိုပါတယ်။ အမိုးအကာအောက်ကို အချိန်မီရောက်နိုင်ဖို့နဲ့ တတ်နိုင်သမျှ လုပ်ငန်းတွေ ဆောင်ရွက်နိုင်ဖို့ အတွက် အကောင်းဆုံးစက်ကိရိယာတွေသုံးဖို့ အကြံပြုချင်ပါတယ်။

(စိုးစိုး တွေ့ဆုံမေးမြန်းသည်။)